Det grønlandske Selskab-ip siunertaa unaavoq Kalaallit Nunaat pillugu ilisimatitsineq aammalu attaveqaqatigiilluarnermut ikorfartuinikkut aqqutissiuineq. Taamaattumik sammisaqartitsisarnerit assigiinngitsut aqqutigalugit siunertarineqarpoq Kalaallit Nunaanni inuiaqatigiit akornanni pissutsinik malinnaatitsiniarneq. Tamatuma saniatiguttaaq siunertaavortaaq Nunat Issittut pillugit ataatsimut isigalugit paasititsiniutiginissaat aammalu kalaallit qallunaallu akunnerminni suleqatigiinnerannik tapersersuineq, tassungalu atatillugu Kalaallit Nunaannik soqutiginnittut ataatsimoorluarsinnaanerannik periarfissiiniarneq anguniarneqarpoq. Unnukkut oqalugiartitsisarit oqallitsisisarnerillu, aammalu atuagassiamik Tidskiftet Grønland-imik atuakkianillu saqqummersitsisarnerit tassaapput Selskab-ip siunertaanik pimoorussinermik takutitsisut.
Tamakku saniatigut aamma Selskab-i immikkoortortaqarpoq makkuninnga: Eqqumiitsulianut tunngasunik peqatigiiffik taaguutilik, Kunstudvalget Aron utoqqaallu katersuuttarfiat Seniorklubben. Selskab-i pilersitaavoq 4. november 1905-mi, maannakkullu Christianshavn-imi allaffeqarfeqarluni.
KONTAKT
